Në gjendje të rëndë, burgu nuk lejon mjekët të vizitojnë Alexey Navalny

Gjendja e opozitarit rus Alexey Navalny është rënduar, ndërsa mjekët e tij bëjnë me dije se nuk janë lejuar nga burgu që ta vizitojnë. Ka qenë mjekja e tij personale që ka folur për këtë shqetësim. Dr. Anastasia Vasilyeva tha se bashkë me tre ekspertët e tjerë mjekësorë, shkuan të bëjnë vizitën e radhës tek Navalny, por iu ndalua të hynin brenda.

Përmes një postimi në Tëitter, Vasilyeva shkruan: “Është një mungesë respekti dhe një tallje me mjekët. Jeta dhe shëndeti i Navalnit janë qartësisht në rrezik.”

Ndërkohë kujtojmë se këto ditët e fundit gjendja e tij shëndetësore është përkeqësuar, pas javësh në grevë urie. Kritiku i Kremlinit nuk pranon të ndalojë grevën, pavarësisht gjendjes së tij shëndetësore.