Moska kalon çdo pritshmëri, thirrje qytetarëve: Nëse merr vaksinën anti- Covid do fitosh një makinë

Vaksina është shpresa e vetme për të mundur Covid-19, por janë të shumtë qytetarët që nuk besojnë në efektshmërinë e saj. Për këtë situatë, kryebashkiaku i Moskës Sergei Sobyanin u ka ofruar banorëve mundësinë për të fituar një makinë, nëse ata vaksinohen.

Ndërkohë që pak ditë më herët, qeveria kërkoi përshpejtimin e vaksinimit. “Nga 14 qershori deri më 11 korrik 2021, qytetarët që marrin dozën e tyre të parë të vaksinës do të bëhen pjesëmarrës të një lotarie makinash. Çdo javë do të fitohen pesë makina, secila me vlerë rreth 1 milion rubla, por sigurisht që fitimi kryesor për ata që vaksinohen nuk mund të krahasohet me asnjë makinë, është shëndeti i tyre dhe paqja”, tha kryebashkiaku.

Aktualisht në Rusi, 18 milionë njerëz kanë marrë të paktën një dozë të vaksinës.