Zgjedhjet në PD, Xhaferraj i përgjigjet Shehajt: Po, janë dy lista, por…

Disa orë pas akuzave të kandidatit Agron Shehaj se në Durrës ka dy lista votuesish ka ardhur reagimi i kreut të PD në Durrës, Ferdinand Xhaferraj. Ai ka thënë se janë dy lista, një që ka ardhur nga Tirana me 2900 anëtarët e PD dhe lista tjetër është ajo e emrave që mund të votojnë me kartën e anëtarësisë, të cilët lejohen të votojnë me kartë.

"I gjithë procesi ka qenë model me një standard europian demokracie, është vlerë për PD dhe shoqërinë shqiptare, edhe dita sotme ka qenë model. E pash prononcimin e Shehjat dhe pyeta përfaqësuesit e tij këtu të tij, por pretendimi i tij nuk qëndron.

 Janë dy lista e vërtet, por njëra është ajo e ardhur nga Tirana dhe tjera ka të bëjë në bazë të udhëzimeve është lista e atyre anëtarëve që votojnë me kartë dhe emrat e tyre futen në këtë listë shtesë.  Është lista me 2900 e ca anëtarë që vjen nga Tirana dhe lista me ata që kanë kartën e anëtarësisë por që kanë kohë që nuk janë aktiv . Komisioni fotokopjon kartën e anëtarësisë dhe është  tërësisht i integruar në proces të rregullt", tha Xhaferraj.