Lukashenko zbardh bisedën me Putin: I kërkova të mos e vriste Prigozhin

Presidenti i Bjellorusisë Aleksandër Lukashenko tha se i kishte kërkuar homologut rus Vladimir Putin të mos eliminonte kreun e Ëagner, Yevgeny Prigozhin.

“I thashë Putinit: ne mund ta vrasim, nuk është problem. Ose në provën e parë ose në të dytën. Por unë i kërkova që të mos e bënte”, shpjegoi Lukashenko gjatë një takimi me zyrtarët e sigurisë, sipas një video të transmetuar nga kanali Telegram pranë presidencës, Pool Pervogo.

Më herët presidenti bjellorus konfirmoi se lideri i Ëagner-it, Yevgeny Prigozhin mbërriti në Bjellorusi.

“Shoh që Prigozhin po lëviz me avionin e tij. Po, në fakt ai është në Bjellorusi sot,” u shpreh Lukashenko sipas televizionit publik të Bjellorusisë.

Po ashtu, Lukashenko bëri të ditur se e paralajmëroi shefin e Ëagner, Yevgeny Prigozhin se forcat e tij do të shkatërroheshin nëse ata vazhdonin marshimin e tyre drejt kryeqytetit rus.