Konflikt në supermarket, klienti nxjerr armën dhe vret punonjësen

Një ngjarje e rëndë është shënuar në Georgia të SHBA.

Klienti ka qëlluar për vdekje arkëtaren e një supermarketi. E gjitha nisi pas një konflikti për maskën e fytyrës.

Gjatë incidentit që përfundoi me pasoja tragjike kishte edhe blerës të tjerë. Po ashtu, i plagosur mbeti edhe autori, i cili u qëllua nga roja I dyqanit.

Në një konferencë për shtyp, një zyrtar tha se shkak i konfliktit u bë mbajtja e maskës.

Pas debatit, personi i armatosur doli nga dyqani pa blerë asgjë. Disa çaste më vonë, ai u rikthye në supermarket, eci drejt arkëtares, nxori një pistoletë dhe e qëlloi.