Kishin fshehur kokainën brenda në zarf, pranga dy trafikantëve shqiptarë në Itali

Dy shtetas shqiptar 35 dhe 28 vjeç, janë vënë në pranga nga agjentët e Policisë së Arezzo, nën akuzën e tregtimit të drogës.

Shqiptarët u pikasën nga policia një pasdite teksa endeshin rreth zonës së Valdarnos, me një makinë me qira, që sipas autoriteteve e përdornin si teknikë për t’i shpëtuar syrit të forcave policore.

Shqiptarët ishin të njohur për tregtinë e drogës në këtë zonë, ndaj dhe policia iu vë pas. Duke marrë parasysh informacionet që dy të arrestuarit kishin marrë një sasi droge nga Valdarno për ta hedhur në tregun e Arezzo, Policia italiane organizoi një kontroll të automjetit me të cilin dy shqiptarët po udhëtonin.

Gjatë operacionit oficerët vërejtën një zarf të madh, brenda makinës, i cili pas kontrollit të detajuar, rezultoi se mbante kokainë të pastër për një peshë të barabartë me 150 gramë. Bazuar tek materialet e konstatuara u bë i mundur dhe arrestimi i shtetatsve shqiptare.

Pas arrestimit nën akuzën e zotërimit dhe transportimit të drogës për tregtim të saj, 35 dhe 28 vjeçarët u dërguan në burgun Solliçiano.