Kapen mbi 200 emigrantë të paligjshëm në Turqi

Roja bregdetare turke arrestoi mbi 231 emigrantë ilegalë, të cilët do kalonin përmes Detit Egje me anije peshkatarësh për të mbërritur në Greqi.

Emigrantët e kapur ishin nga Afganistani, Siria, Eritrea, Jemeni dhe Pakistani. Ata u arrestuan në afërsi të fshatit Ajvaxhik, jo larg ishullit grek Lezbos.

Po ashtu, në pranga ranë edhe dy kontrabandues, të cilët dyshohet se kanë marrë nga 5 mijë deri në 6 mijë euro për një emigrant.

Emigrantët shpesh e shfrytëzojnë Turqinë si rrugë transit drejt vendeve të Bashkimit Evropian, kryesisht përmes Greqisë.