Goditet rrjeti i trafikut në Itali, arrestohen 5 persona/ Organizata drejtohej nga shqiptar, shpërndante drogë me automjete

Policia italiane ka goditur një grup të organizuar të trafikut të drogës në zonën e Arezzo-s, duke arrestuar pesë persona, mes tyre dy shqiptarë dhe tre italianë.

Operacioni “Minerva” kishte nisur në prill dhe u finalizua pas disa muajsh hetimesh, përgjimesh dhe vëzhgimesh në terren. Sipas autoriteteve, grupi shpërndante kokainë, hashash dhe marijuanë në disa zona të provincës.

Një shtetas shqiptar dyshohet si drejtues i rrjetit, ndërsa të tjerët kishin role në transport dhe shpërndarje. Gjatë operacionit u sekuestruan edhe drogë, pajisje për paketim dhe para cash.