Gjykata siriane dënon me vdekje në mungesë ish-presidentin Bashar al-Assad/ Në pranga dhe në gjyq edhe ish-zyrtari i lartë i regjimit

Bota

Gjykata siriane dënon me vdekje në mungesë ish-presidentin Bashar

Një gjykatë siriane dënoi në mungesë me vdekje presidentin e rrëzuar sirian, Bashar al-Assad, së bashku me vëllain e tij më të vogël, Maher al-Assad, për krime kundër njerëzimit dhe krime lufte gjatë konfliktit 14-vjeçar në Siri, i cili la rreth gjysmë milioni njerëz të vdekur.

Në të njëjtin rast, gjykata dënoi me vdekje edhe kushëririn e Bashar al-Assad nga nëna, Atef Najib, për udhëheqjen e goditjes në provincën jugore të Daraa-s, veprim që çoi në kryengritjen dhe më vonë në luftën civile në Siri.

Nën masa të rrepta sigurie, Najib qëndronte brenda një kafazi, i veshur me uniformën e të burgosurit, ndërsa gjykatësi lexonte dënimin.

Bashar al-Assad dhe vëllai i tij Maher u larguan drejt Rusisë pasi kryengritësit marshuan në Damask në dhjetor të vitit 2014.

Ndërkohë, Najib u arrestua më vonë dhe u bë një nga zyrtarët më të lartë të regjimit të Assadit që u nxor në gjyq.

Atef Najib është ish-gjeneral brigade i ushtrisë siriane. Në vitin 2011, ai ishte kreu i Degës së Sigurisë Politike në provincën Daraa, në jug të Sirisë, nën regjimin e Bashar al-Assad.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion