Tërmetet “zgjojnë” nga gjumi vullkanin në Islandë, rrinte i heshtur prej 800 vitesh

Pas 800 vitesh heshtje, një vullkan në Islandë ka shpërthyer, kjo pasi 50 mijë tërmete e kanë tronditur zonën në 23 ditë. Mediat e huaja shkruajnë se shkencëtarët kanë deklaruar se ky është një fillimi i rëndësishëm për 200 vitet e ardhshme, ndërsa njerëzit janë shumë të lumtur që pas kaq shumë kohës do të flenë pa frikë.

Bëhet fjalë për vullkanin Fagradal, i cili është vendosur 40 km në jug të kryeqytetit Reykjavik. Rrjedhja e lavës dhe pluhuri është i vogël thonë shkencëtarët, ndryshe nga një vullkan tjetër që shpërtheu në 2010 dhe ndërpreu trafikun ajror.

Edhe pse rrjedhja është e vogël, islandezët janë shumë të entuziazmuar. Ata i janë afruar vullkanit dhe kanë bërë foto e video, duke i ndarë më pas në rrjete sociale. Disa nuk kanë pyetur për gazin me erë të tmerrshme të dioksidit të squfurit, saqë i janë afruar shumë pranë për ta parë rrjedhën ose për të pjekur sallam, vezë e marshmelloë.