Avioni i nisur drejt Milanos goditet nga turbulencat në Gjermani, plagosen 8 pasagjerë

Bota

Avioni i nisur drejt Milanos goditet nga turbulencat në Gjermani, plagosen

Tetë pasagjerë, përfshirë një fëmijë dyvjeçar, u lënduan pasi një avion i Ryanair nga Berlini drejt Milanos u detyrua të devijonte dhe të bënte një ulje emergjente në aeroportin Memmingen, në jug të Gjermanisë.

Shkak për ngjarjen u bene turbulencat e forta të shkaktuara nga moti i keq.

Sipas policisë bavareze, tre nga pasagjerët e lënduar u transportuan në spital për trajtim mjekësor, ndërsa të tjerët u trajtuan në vendngjarje.

Të gjithë pasagjerët, të cilët ishin gjithsej 179 së bashku me gjashtë anëtarë të ekuipazhit, iu nënshtruan kontrolleve mjekësore.

Fluturimi, i cili pritej të ulej në aeroportin e Milanos, nuk mundi të përfundonte destinacionin për shkak të kushteve të pafavorshme të motit dhe për këtë arsye u devijua drejt Memmingenit, ku u ul në mënyrë të sigurt rreth orës 20:44 me orën lokale.

Autoriteti i Aviacionit të Bavarisë Jugore nuk dha leje për një fluturim të mëtejshëm.

Kompania Ryanair tha se kapiteni kishte kontaktuar paraprakisht për ndihmë mjekësore dhe kërkoi falje për shqetësimet e shkaktuara.

Kompania njoftoi se kishte organizuar transport alternativ drejt Milanos atë natë dhe një fluturim zëvendësues të enjten në mëngjes.

"Ne kërkojmë ndjesë të sinqertë për pasagjerët e prekur nga ky devijim," deklaroi Ryanair në një reagim zyrtar./a2

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion