Bëri të lumtur një nga futbollistët e Kombëtares shqiptare, zyrtarizohet dhe ka në dorë fatin e Armando Brojës

Klubi i Bërnlit ka bërë një ndryshim shumë të rëndësishëm, pasi ka vendosur një shef të ri futbolli, për të nisur një faqe të re në drejtimin e skuadrës së Armando Brojës, që po vuan një moment të errët në këtë sezon.

Dy ditë pas humbjes me Linkoln, ku Broja ishte titullar dhe u dëmtua që në minutat e parw, u vendos shkarkimi i trajnerit Niki Hejen. Sot, erdhi lajmi që pritej prej kohësh, ai i emërimit të spanjollit Diego Lopez si shef futbolli, me detyrën e parë atë të gjetjes së një trajneri të ri për të marrë drejtimin.

Lopez ka qenë drejtor sportiv në radhët e Xhenoas në Serinë A, ku ndërtoi merkaton e saj në vitin e fundit, duke përfshirë ndër të tjera edhe firmën e Mario Mitajt me klubin e Serisë A.

Ai ka qenë prej kohësh në negociata me Bërnlin dhe vetëm sot është zyrtarizuar firma e tij në këtë klub.

Mbetet të shihet se çfarë lëvizjesh do të bëjë ai, si dhe si do të trajtohej çështja e Brojës, i cili nuk ka bindur që kur ka veshur fanellën e këtij klubi. Megjithatë, sulmuesi shqiptar më parë duhet të shohë situatën e dëmtimit dhe të mësojë se sa kohë do të qëndrojë jashtë fushave të lojës.