Zjarri në pallatin 14-katësh në Valencia, konfirmohen 10 viktima

Autoritetet spanjolle njoftuan sot se është rritur në 10 numri i përgjithshëm i të vdekurve nga një zjarri i madh që përfshiu një bllok banesor në qytetin e tretë më të madh spanjoll, Valencia.

Zjarri, i ndihmuar nga erërat e forta, u ndez të enjten mbrëma dhe autoritetet nuk kanë treguar se çfarë e ka shkaktuar atë saktësisht.

Mëngjesin e së premtes ishte raportuar fillimisht për katër të vdekur nga zjarri.

Por, të shtunën në mëngjes, autoritetet njoftuan se e kanë gjetur trupin e viktimës së 10-të të këtij zjarri.