Vota e diasporës, gara e hapur ende në 4 qarqe. “Luftë” për çdo zarf në Tiranë dhe Fier

Aktualitet

Vota e diasporës, gara e hapur ende në 4 qarqe.

Teksa në Parkun Olimpik ka rinisur procesi i numërimit të votave të Diasporës, nga përllogaritja mbi bazën e të dhënave zyrtare të KQZ-së, në katër qarqe ka ende mundësi matematikore për ndryshim të mandateve.

Qarku me diferencën më të vogël është Vlora, ku janë edhe 10 mijë vota për tu numëruar dhe PD-së i duhen 154 vota më shumë se PS-së për të rimarrë mandatin e katërt.

Në letter duket një shifër e vogël, por nga numërimi i 5700 votave të diasporës deri tani PD ka marrë 15% të tyre, ndërsa PS 60% dhe nëse ky trend do të vijojë, socialistët do ta ruajnë lehtësisht mandatin.

Qarku i dytë me më shumë mundësi për të lëvizur mandati është Fieri, ku Adriatik Lapajn i duhen 550 vota më shumë që ti marrë mandatin Partisë Socialiste. Në këtë qark janë ende pa u numëruar edhe 15400 vota.

Një luftë e fortë do të zhvillohet edhe në Tiranë mes PD-së dhe Partisë Mundësia të Agron Shehajt. Demokratëve u duhen 583 vota për të marrë mandatin e 14-të që e kishin deri dje në mesditë.

Ndërkohë që qarku i katërt i hapur, por me shumë pak mundësi për tu ndryshuar është Lezha ku kanë mbetur edhe 5 mijë vota pa u numëruar dhe PS-së i duhen 1302 vota më shumë se PD-së për ta përmbysur atë 4-3 në favor të saj.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion