VIDEO/ Vrau mikun e fisit Çapja, ekstradohet nga Belgjika Sergej Hasanpapaj! Publikohen pamjet

Është ekstraduar nga Belgjika drejt Shqipërisë Sergej Hasanpapaj, i dyshuar si vrasësi i Bledar Muçës.

32-vjeçari, lindur në Elbasan, ishte shpallur në kërkim ndërkombëtar pasi GJKKO, në vitin 2024, i ka caktuar masën e sigurisë “Arrest në burg”, për veprat penale “Vrasja me paramendim”, mbetur në tentativë dhe kryer në kuadër të organizatës kriminale, dhe “Mbajtja pa leje dhe prodhimi i armëve, armëve shpërthyese dhe i municionit”.

Vrasja e Bledar Muçës, i cili njihej si mik i afërt i familjes Çapja, ndodhi në Aartselaar të Belgjikës më 22 janar 2022.

Njoftimi i policisë:

Vijon operacioni i koduar “The Wanted”, për lokalizimin dhe nxjerrjen përpara drejtësisë, të shtetasve të shpallur në kërkim ndërkombëtar.

Si rezultat i bashkëpunimit konsistent ndërmjet specialistëve të Interpol Tiranës dhe homologëve të tyre në Bruksel, gjatë kësaj faze të operacionit ndërkombëtar të koduar “The Wanted”, u finalizua procedura për ekstradimin nga Belgjika, në Shqipëri, të shtetasit S. H., 32 vjeç, të lindur në Elbasan.

32-vjeçari ishte në kërkim ndërkombëtar, pasi Gjykata e Posaçme e Shkallës së Parë për Korrupsionin dhe Krimin e Organizuar, në vitin 2024, i ka caktuar masën e sigurisë “Arrest në burg”, për veprat penale “Vrasja me paramendim”, mbetur në tentativë dhe kryer në kuadër të organizatës kriminale, dhe “Mbajtja pa leje dhe prodhimi i armëve, armëve shpërthyese dhe i municionit”.