Të dielën shqiptarët votojnë, por çfarë surprizash rezervon moti

Shërbimi Meteorologjik Ushtarak ka dhënë parashikimin e motit për nesër dhe të dielën, 25 prill, që është dita kur shqiptarët do të votojnë.

Sipas SH.M.U nesër do të jetë mot i paqëndrueshëm me vranësira dhe reshje shiu, ndërsa e diela do të jetë ditë me diell dhe me mot të mirë.

Parashikimi i plotë

Përshëndetje nga SH.M.U! Ditën e shtunë vendi do të ndikohet nga masa ajrore të paqendrueshme. Vranësirat do të përqendrohen më të dendura në jug e qendër të vendit, ndërsa në pjesën veriore kthjellime. Reshjet e shiut do të jenë të herëpashershme në pjesën jugore dhe qendrore të vendit me intensitet të ulët e lokalisht mesatar.

Pasdite e në mbrëmje reshjet do të ndërpriten për ti lenë vendin kthjellimeve. Dita e diel do të sjellë ndryshim të menjëhershëm të kushteve meteorlogjike. Kështu do të mbizotërojnë orët me diell gjatë gjithë ditës në pjesën më të madhe të vendit.

Në jug, juglindje e në zonat malore kalime vranësirash të pakëta deri mesatare. Era do të fryjë verilindje-veriperëndim e lehtë dhe në bregdet përkohësisht mesatare maksimalisht deri 12m/sek e shoqëruar me dallgëzim në det të forcës 3-4 ballë. Ju urojmë fundjavë të mbarë!