“S’ka kryer asnjë vepër penale”/ Prokuroria pushon dosjen e kreut të AMP-së, Florian Sulejmani

Aktualitet

“S’ka kryer asnjë vepër penale”/ Prokuroria pushon

Prokuroria e Tiranës ka vendosur të pushojë dosjen penale ndaj kreut të AMP-së Florian Sulejmani, i cili për shkak të një hetimi të nisur nga prokuroria e Beratit u pezullua nga detyra e tij si titullar i Drejtorisë së AMP-së.

Çështja u transferua në Tiranë, ku pas shqyrtimit të materialit në dosje, prokurori Valentin Preci, vendosi ti kërkojë gjykatës së kryeqytetit, pushimin e ndjekjes penale ndaj Florian Sulejmanit, për shkak se nuk ka kryer veprën penale të “Shpërdorimit të detyrës”.

Sipas prokurorisë, çështja penale në ngarkim të Sulejmanit ka të bëjë me transferimin e vartësve të tij në Agjensinë e Mbikqyrjes Policore.

Dosja ishte krijuar nga një kallëzim i kryer në prokurorinë e Beratit nga një officer i AMP-së, i cili me firmën e Sulejmanit ishte transferuar në Dibër.

Mbi bazën e këtij kallëzimi, prokuroria e Beratit hapi një dosje hetimore, dhe në datën 16 prill 2025, njoftoi zyrtarisht caktimin e masës së sigurimit personal “Pezullimi i ushtrimit të një detyre a shërbimi publik” ndaj drejtorit të Përgjithshëm të Agjencisë së Mbikëqyrjes Policore, AMP, Florian Suljemani.

Disa ditë më pas dosja u transferua nga prokuroria e Beratit në Tiranë, ku pas verifikimit të mëtejshëm, prokuroria e kryeqytetit kërkoi në gjykatë pushimin e dosjes penale ndaj kreut të AMP-së, Florian Sulejmani./OraNews

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion