Kapen në flagrancë me lëndë narkotike, “Shqiponjat” arrestojnë 2 të rinjtë

Policia e Tiranës njoftoi mëngjesin e sotëm, se dy persona, në situata të ndryshme, janë arrestuar nga “Shqiponjat”, pasi iu gjet lëndë narkotike, pas një kontrolli fizik.

“Specialistët për Hetimin e Narkotikëve bënë arrestimin në flagrancë të shtetasit B. S., 30 vjeç, pasi  gjatë kontrollit fizik të ushtruar nga Forca e Posaçme “Shqiponjat” iu gjet dhe iu sekuestrua në cilësinë e provës materiale një sasi me lëndë narkotike kanabis dhe kokainë.

Po nga specialistët për Hetimin e Narkotikëve u bë arrestimi në flagrancë i shtetasit K. D., 20 vjeç, pasi dyshohej se drejtonte mjetin nën efektin e lëndëve narkotike. Gjatë kontrollit fizik të ushtruar nga Forca e Posaçme “Shqiponjat” iu gjet dhe iu sekuestrua në cilësinë e provës materiale një sasi me lëndë narkotike kanabis”, njofton policia.