Shkelën rëndë rregullat e qarkullimit rrugor, pranga 4 personave

Policia e Tiranës ka njoftuar se specialistët e qarkullimit rrugor kanë arrestuar 4 persona, të akuzuar për shkelje të rregullave të qarkullimit.

“Specialistët e Qarkullimit Rrugor bënë arrestimin në flagrancë të shtetasve: F. L., 41 vjeç, pasi u kap duke drejtuar mjetin pa lejen përkatëse;K. H., 28 vjeç, G. B., 46 vjeç dhe J. B., 36 vjeç, pasi u kapën duke drejtuar mjete përkase në gjendje të dehur. Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme”, njofton policia.