Sherri më 12 janar brenda lokalit në Lezhë, merr fund arratia për vëllanë e ish-deputetit

11 ditë pas sherrit të ndodhur në një lokal në Lezhë, është kapur nga policia vëllai ish-deputetit Arben Ndoka, Gëzim Ndoka.

Pas ndalimit Gëzim Ndoka është lënë i lirë, pasi prokuroria ka vendosur që të hetohet në gjendje të lirë. Ndërkohë, vijon të jetë ende në kërkim djali i tij, Kevin Ndoka.

Sherri ndodhi në një lokal në Lezhë më datë 12 janar, në ambientet e lokalit kanë hyrë rreth pesë persona të maskuar, disa prej tyre të armatosur, të cilët kanë ushtruar dhunë fizike dhe kanë kërcënuar klientët. Njëri prej tyre, është prezantuar si nipi i Arben Ndokës. Gjatë incidentit, Nikolin Marku dhe Gjergj Marku janë goditur dhe kanë mbetur të lënduar. Dy kushërinjtë kallëzuan në polici se babë e bir, Gëzim dhe Kevin Ndoka i dhunuan në lokal.