Qytetari vlonjat tregon "forcën" me votë: Erdha herët në mëngjes, e cilësoj detyrë shumë të rëndësishme!

Në qytetin e Vlorës kanë mbërritur votuesit e parë në qendrat e votimit, ku disa prej qytetarëve që votuan herët thanë për mediat se e shohin këtë ditë si një moment të rëndësishëm për të ushtruar të drejtën e tyre.

“Votova, erdha që herët se kisha dëshirë ta mbaroja këtë detyrë. E cilësoj detyrë shumë të rëndësishme, sepse sot e kam forcën unë me votë.

Mesazhi im për qytetarët është të votojnë atje ku mendojnë se është më mirë dhe ku kanë vendosur vetë. Procesi ku votova ishte i rregullt, pa problem,” tha një qytetar në bashkinë e Vlorës.

Ndêrkaq, procesi vijon në të gjitha qendrat e votimit të bashkisë, nën masa sigurie dhe me pjesëmarrje të ulët në orët e para.