Po përballet me kancerin, vjen reagimi i parë nga ish-presidenti Joe Biden

Bota

Po përballet me kancerin, vjen reagimi i parë nga ish-presidenti Joe

“Kanceri na prek të gjithëve”, shkroi ish-presidenti Joe Biden në një reagim publik, pasi zyra e tij njoftoi një ditë më parë sëmundjen me të cilën po përballet.

Ai shtoi se ai dhe gruaja, ish-zonja e parë Jill Biden, “kanë mësuar se jemi më të fortë në vendet e thyera. Faleminderit që na ngritët lart me dashuri dhe mbështetje”.

Ish-presidenti amerikan, Joe Biden, është diagnostikuar me një formë “agresive” të kancerit të prostatës, që tashmë ka avancuar e është përhapur në kocka. Në deklaratën e zyrës së tij theksohet se ish shefi democrat i Shtëpisë së Bardhë dhe familja po shqyrtojnë së bashku me mjekët mundësitë e trajtimit të tij.

Diagnostikimi i Bidenit, që zyrën Ovale e dorëzoi në muajin janar, u bë këtë të premte, pasi ish kreu i shtetit kishte shfaqur simptoma urinare, nënvizohet në deklaratë, ku sqarohet sidoqoftë se “pavarësisht faktit që bëhet fjalë për një formë agresive të sëmundjes, kanceri duket të jetë i ndjeshëm ndaj terapisë hormonale, ç’ka mundëson një menaxhim efektiv”.

Pas publikimit të lajmit të diagnozës së tij të rëndë, Biden mori mbështetje s inga anëtarët e partisë së tij, ashtu dhe nga kundërshtarët, përfshirë vetë rivalin e madh, Trumpin, i cili shkroi në platformën e tij të mediave sociale Truth Social se ai dhe Zonja e Parë Melania Trump “u pikëlluan kur dëgjuan për diagnozën mjekësore të Joe Biden”. “Mendimet tona shkojnë për Jill dhe familjen,” tha ai, duke iu referuar ish-Zonjës së Parë Jill Biden. “I urojmë Joe-it një shërim të shpejtë dhe të suksesshëm”.

Mandati i Bidenit si president përfundoi më 20 janar, kur Donald Trump u betua si president i SHBA-së. Djali i madh i Bidenit, Beau, ndërroi jetë në vitin 2015 në moshën 46 vjecare nga kanceri i trurit.

 

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion