Pa leje qarkullimi dhe kanabis në makinë, arrestohet 27-vjeçari në Tiranë

Policia e Tiranës njoftoi mëngjesin e sotëm se ka arrestuar një 27-vjeçar, pasi po drejtonte makinën pa leje qarkullimi dhe pas kontrollit të makinës, iu gjet edhe lëndë narkotike.

“J. H., 27 vjeç, pasi gjatë kontrollit në mjetin të cilin e drejtonte pa lejen përkatëse, sherbimet e Komisariatit të Policisë Nr.1 gjetën dhe sekuestruan një sasi me lëndë narkotike kanabis. Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme”, njofton policia.