Akuzohet për një sërë vjedhjesh, arrestohet 29-vjeçari në Tiranë

Policia e Tiranës ka vënë në pranga një 29-vjeçar, pasi akuzohet se ka vjedhur biçikletën e një shtetasi. Blutë njoftojnë se shtetasi V.S, gjithashtu dyshohet se është autor i disa vjedhjeve të tjera në Tiranë.

“Nga specialistët për Hetimin e Krimit në Komisariatin e Policisë Nr.1 u bë arrestimi në flagrancë i shtetasit V. S., 29 vjeç, pasi ka vjedhur biçikletën e shtetasit L. T. Gjithashtu ky shtetas dyshohet si autor i disa vjedhjeve të tjera në Qarkun e Tiranës”, njofton policia.