“S`kam shkelur ligjin”, Safet Gjici në gjyq: E mora dënimin për veprimin që kam bërë, rashë në kurthin e…

Ish kryebashkiaku i Kukesit, Safet Gjici ka mohuar të ketë shkelur ligjin pasi nuk ka parë asnjë projekt nga Alma Kaçi. Ai ka këmbëngulur se ka rënë në kurthin e atyre që s’e duan.

“Unë u ndëshkova për veprimin që kam bërë, unë e mora dënimin për gabimin që kam bërë. Nuk ka projekt, nuk kemi parë projekt, nuk kam shkelur ligjin.

Rashë në kurthin e atyre që s’më duan, nuk kam kryer shkelje ligjore. Kam dakord me qëndrimin e avokatit”, ka deklaruar Gjici.

Raportohet se gjatë dy orëve të seancës, prokurorët kanë qëndruar besnik sa i përket akuzave.

Sipas avokatit të Gjicit, është pretenduar se nuk ka vepër penale, është akt i rëndë por jo vepër penale, sa kohë s’ka pasur ndërmarrje konkrete nga Gjici për të dhënë këtë projekt që ka të bëjë me sterilizim e qenve.

Avokatja e Kaçit tha arsyet se përse e ka filmuar Gjicin, ndërsa tha se kërkoi masë më të lehtë për të për shkak se ka një fëmijë dhe nënë të sëmurë, e se është e vetmja që mund të kujdeset për to.

Por Gjykata ka vendosur që të lërë në fuqi masën e mëparshme të arrest me burg. Prokuroria dyshon se Kaçi nuk ka vepruar e vetme, por se ka edhe bashkëpunëtorë.

SPAK ka ngritur ndaj Gjicirt akuzat e korrupsionit dhe shperdorimit te detyres.

Por ai ka pretenduar se pas takimit me Alma K, me 6 qershor, nuk ka dhene asnje tender ne favor te saj.