Një letër e gjetur në makinën e killerave, prova që mund të zbulojë vrasësit e "Kumbarit" të Shkodrës

Aktualitet

Një letër e gjetur në makinën e killerave, prova  që

Një letër e pa djegur, e cila është gjendur poshtë sediljes së automjetit “Volsvagen Passat”,që u përdor nga killerat që ekzekutuan Badhok Planaj në Shkodër, mund të jetë çelësi i identifikimit të autorëve të krimit.

 Letra e sekuestruar në cilësinë e provës materilale, çuditërisht ka shpëtuar të digjet nga flakët.

Pikërisht përmes këtij dokumenti ku ishte shënuar numri i shasisë, policia e Shkodrës zbardhi në kohë rekord pronarin e makinës, dhe vjedhjen e qysh prej muajit Shkurt 2020 në Tiranë.

 Shpresohet shumë që në këtë letër autorët mund të kenë lënë gjurmët e gishtave në momentin kur e kanë lëvizur nga pjesa e kroskotit dhe vendosur poshtë sediljes.

Letra është çuar për ekzaminim të gjurmëve daktiloskopike dhe se aktualisht policia e Shkodrës, është në fazën e pritjes së një përgjigje nga policia shkencore.

Nëse do rezultojë se mbi letër ka gjurmë gishti, atëherë policisë dhe prokurorisë, do ti duhet punë për të verifikuar gjurmën me personat e dyshuar në këtë krim të rëndë.

Hetimet për vrasjen e Bardhok Planaj, për momentin janë fokusuar dhe në kqyrjen e pamjeve filmike të sekuestrura në disa zona të qytetit të Shkodrës, për të mësuar intenerarin e saktë që përshkuan vrasësit, para se të ekzekutonin me 79 plumba biznesmenin Bardhok Planaj.

Lidhur me këtë ngjarje në pyetje janë marë gruaja dhe djemtë e viktimës Bardhok Planaj, të cilët kanë pohuar se nuk kanë konflikt me asnjë person dhe asnjë nga grupet kriminale që veprojnë në qytetin e Shkodrës.

Ora News pak ditë më parë siguroi një foto ku tregohet qartë ndjekja e automjetit tip “Range-Rover”, që drejtohej nga Planaj.

Ky i fundit në foto, shfaqet 50 metra pasi kishte dalë nga banesa e tij në Dobraç, dhe është drejtuar në fshatin Koplik.

Makina tip “Volsvagen Pasat” që shihet në foto, është vetëm 5 metra larg nga shënjestra Bardhok Planaj, i cili pas këtij momenti do të ndodhej përballë zjarrit të 2 grykave të automatikëve kallashnikov.

Në pamjet filmike dallohet qartë se autorët, pozicionohen në krahun e majtë të makinës së Planaj dhe në një distancë shumë të afërt, kanë hapur zjarr në mënyrë të befasishme dhe sistematike me plot 79 plumba, duke sjellë vdekjen e menjëhershme të Planaj.

Viktima që njihej ndryshe në Shkodër me nofkën “Kumbari”, kishte probleme të theksuara me drejtësinë dhe mbante shoqëri me drejtuesit e grupeve kriminale në Shkodër.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion