Makina përplaset me furgonin në Manastir/ Humb jetën një person, 20 të lënduar

Një aksident i rëndë është regjistruar mbrëmjen e kësaj të marte në dalje të Manastirit, në Maqedoninë e Veriut.

Në aksident janë përfshirë një makinë dhe një furgon, i cili po transportonte punëtorë për në qytetin Demir Hisar.

Mediat vendase raportojnë se fatkeqëisht ka ndërruar jetë në vendngjarje shoferi 24-vjeçar i mjetit.

Gjithashtu, nga përplasja janë lënduar dhe 20 persona të tjerë, punonjës të një fabrike.

Deri më tani nuk ka shumë informacione për aksidentin tragjik, por pritet që në vijim të zbardhen më shumë detaje