Lojëra fati dhe baste sportive në telefon, tre të arrestuar në Tiranë

Aktualitet

Lojëra fati dhe baste sportive në telefon, tre të arrestuar

Tre persona janë arrestuar nga Policia e Tiranës pasi ushtronin aktivitetin e lojrave të fatit nëpërmjet aparateve celularë.

Bëhet me dije se edhe tre shtetas të tjerë janë proceduar penalisht.

Blutë kanë sekuestruar 6 aparate celulare .

Njoftim:

Sekuestrohen 6 aparate celular që dyshohet se përdoreshin për ushtrimin e aktivitetit të lojërave të fatit.

Shërbimet e Sektorit për Hetimin e Krimeve Kibernetike, në bashkëpunim me Forcën Operacionale dhe Forcën e Posaçme “Shqiponja”, gjatë operacionit “Game Over”, në zbatim dhe të planit të masave “Për goditjen e veprimatarisë kriminale në fushën e organizimit të lotarive sportive online” bazuar në inteligjencën policore, kanë konstatuar 2 subjekte të ushtrimit të organizimit të lotarive të palejuara (baste sportive online), në zona të ndryshme të Tiranës.

Në kuadër të këtij operacionit u arrestuan shtetasit A. S., 24 vjeç, E. K., 40 vjeç dhe S. D., 52 vjeç(organizatorët) si dhe u proceduan penalisht shtetasit Xh. B., 31 vjeç, A. Xh., 26 vjeç dhe M. S., 31 vjeç(administratorë të lokaleve).

Nga veprimet hetimore ka rezultuar se 3 shtetasit e arrestuar në bashkëpunim dhe me administratorët e lokaleve të konstatura, ushtronin aktivitetin e paligjshëm të lotarive të palejuara, nëpërmjet aparateve celulare.

Materialet procedurale iu referuan Prokurorisë së Tiranës, për veprime të mëtejshme.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion