"Loja e rezistencës", kush janë banorët që i kanë rezistuar sfidës së Vëllait të Madh deri tani?

Ditën e sotme, Vëllai i Madh ka vendosur t’ju japë një sfidë të re banorëve të shtëpisë më të famshme në Shqipëri. Përmes një zarfi të bardhë, banorët janë lajmëruar se do të luanin lojën e rezistencës, sipas së cilës, ai që i reziston më gjatë, duke mbajtur dritën ndezur, do të shpërblehej me 3 mijë euro.

“Banorë, një nga lojërat më të diskutuara vitin që shkoi ka qenë loja e rezistencës me butona. Ju duhet të mbani butonin shtypur në mënyrë që drita të qëndrojë gjatë gjithë kohës e ndezur. Nëse hiqni dorën nga butoni, dritat do të fiket dhe ju do të skualifikoheni. Minimumi i qëndrimit është 4 orë nga të gjithë. Banori që qëndron më gjatë, do të përfitojë 3 mijë euro”.

Deri tani banorët që janë skualifikuar nga loja janë: Romeo, Meritoni, Juli, Gazi, Albi, Bardhi, Heidi, Franceska, Roza, Sara dhe Ilnisa, duke humbur kështu mundësinë për të fituar 3 mijë euro.

Banoret që kanë mundur të rezitojnë kësaj sfide të Vëllait të Madh, janë: Ledjona, Erjola, Egla, Vesa, Rike, Arta dhe Fationi.