Zbardhet tabela, ja 15 bashkitë që shkrihen nga reforma territoriale, me kë bashkohen

Është zbuluar propozimi i Partisë Socialiste për Reformën Territoriale.

Sipas propozimit, janë 15 bashki që shkrihen, duke e çuar numrin në 61.

Bashkitë që shkrihen janë Fushe-Arrëz, Klos, Rrogozhinë, Dimal, Poliçan, Patos, Divjakë, Selenicë, Maliq, Këlcyrë, Memaliaj, Libohovë, Cërrik, Belsh, Përrenjas.

Ajo që bie në sy është edhe shkrirja e Përrenjasit me Librazhdin, pavarësisht protestave të bëra ditët e fundit kundër këtij vendimi.

PS gjithashtu ka shpërndarë dhe hartën e re me ndarjen e re administrative territoriale të qarqeve në Shqipëri.

Ky është ndryshimi madhor që mazhoranca synon t'i bëjë pushtetit vendor, nëpërmjet Reformës Territoriale, draftin e parë të të cilit deputetët socialistë anëtarë të Komisionit të Posaçëm Parlamentar për Reformën Administrativo-Territoriale, e kanë depozituar sot në Kuvend.