Ja si e ndoqën killerat nga pas Bardhok Planajn, 50 metra sapo doli nga banesa e tij

Aktualitet

Ja si e ndoqën killerat nga pas Bardhok Planajn, 50 metra sapo doli nga

Autorët kanë ndjekur me makinë Bardhok Pllanaj mbrëmjen e 4 prillit 2021.

Ora News ka siguruar një foto ku tregohet qartë ndjekja e automjetit tip Range-Rover që drejtohej nga Planaj.

Ky i fundit në foto, shfaqet 50 metra pasi kishte dalë nga banesa e tij në Dobraç, dhe është drejtuar në fshatin Koplik.

Makina tip “Volsvagen Pasat” që shihet në foto, është vetëm 5 metra larg nga shënjestra Bardhok Planaj, i cili pas këtij momenti do të ndodhej përballë zjarrit të 2 grykave të automatikëve kallashnikov.

Ja si e ndoqën killerat nga pas Bardhok Planajn, 50 metra sapo doli nga

Në pamjet filmike dallohet qartë se autorët, pozicionohen në krahun e majtë të makinës së Planaj dhe në një distancë shumë të afërt, kanë hapur zjarr në mënyrë të befasishme dhe sistematike, duke sjellë vdekjen e menjëhershme të Planaj.

Pikërisht ky automjet tashmë po analizohet nga policia dhe prokuroria e Shkodrës, për të mësuar intenerarin e lëvizjes në Shkodër.

Shpresat e policisë janë në sigurimin e ndonjë filmimi, që tregon autorët jashtë makinës dhe dukshëm të zbuluar.

Sipas burimeve të policisë, dukshëm në këtë ngjarje ka marë pjesë një celulë killerash e përbërë prej 6 persona ku secili ka pasur rolin dhe detyrat e ndara, në këtë këtë krim që tronditi Shkodrën.

“…Kemi dy shoferë, një në makinën e autorëve dhe një në gadishmëri për ti larguar shpejt nga vendi i djegies së makinës. Kemi dy qitësa. Dhe sigurisht që kemi dhe dy persona vëzhgues që kanë ndjekur në dinamikë lëvizjet e Bardhok Planaj brenda qytetit të Shkodrës…”- tha një burim pranë policisë së qytetit.

Tashmë hetimi i kësaj ngjarje është përqëndruar në ekzaminimin e armëve të zjarrit dhe krahasimi i tyre me gëzhojat e predhat e plumbave të gjetura në vendin e krimit.

Njëherësh ekzaminim është kërkuar të kryhet për aparatin e telefonit të viktimës, aty ku mund të gjenden biseda që i shërbejnë hetimit të këtij krimi.

Bardhok Planaj, u qëlluar plot 79 herë me dy automatikë, ndërsa vrasja besohet deri në këtë fazë të hetimit se është kryer për hakmarje dhe pazaret e drogës./ora news

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion