Emri/ U aksidentua me eskavator, ndërron jetë rrugës për në spital 60-vjeçari

Ka ndërruar jetën rrugës për në spital shoferi 60-vjeçar, i cili u aksidentua me eskavator.

Aksidenti u regjistrua rreth orën 14:20 në segmentin rrugor Poliçan-Kapinovë, në vendin e quajtur Ura e Plirzës, ku mjeti tip Eskavator doli nga rruga.

Qemal Demiri ka vdekur rrugës për në spitalin e Beratit, ambulanca ishte përgatitur për ta nisur me urgjencë drejt Tiranës.

Nga aksidenti, 60-vjeçari mori plagë të rënda, duke mos mbijetuar.

Ndërkohë grupi hetimor po kryen veprimet për zbardhjen e ngjarjes.