EMRI/ Në kërkim prej 17 vitesh! Kapet 48-vjeçari shqiptar në Aeroportin e Athinës, akuzohet për...

Një 48-vjeçar nga Tepelena, i dënuar për trafik droge, është arrestuar nga policia greke në Aeroportin “Eleftheros Venizelos” të Athinës. Ardian Gerbi, nga fshati Bënca i Tepelenës, u ndalua më 29 nëntor, por lajmi u bë i njohur vetëm sot nga autoritetet greke.

Sipas policisë greke, Gerbi akuzohet për shitjen e 3 kg marijuanë dhe 290 gram kokainë në vitin 2008, një krim për të cilin është dënuar me 7 vjet e 4 muaj burg në Shqipëri.

Pas arrestimit të tij, janë nisur procedurat për ekstradimin e tij drejt Shqipërisë, ku ai do të përballet me dënimin e shqiptuar.