Ekzekutimi në pritë i babë e bir, policia e Shkodrës jep detajet e para: Si ndodhi ngjarja?

Policia e Shkodrës ka dhënë detajet e para për krimin e rëndë në fshatin Sumë, ku të vrarë mbetën babë e bir Gjokë dhe Eduart Gurra, të dy banues në lagjen “Partizani”. Sipas bluve ngjarja ka ndodhur në rrethana ende të paqarta.

“Shkodër/Informacion paraprak Rreth orës 16:40, në fshatin Sumë, Njësia Administrative Pult, në rrethana ende të paqarta janë vrarë me armë zjarri shtetasit Gj. G., 57 vjeç dhe djali i tij, E. G., 31 vjeç, banues në lagjen "Partizani", Shkodër. Shërbimet e Policisë dhe Grupi hetimor janë nisur menjëherë për në vendngjarje. Me mbërritjen e shërbimeve dhe sqarimin e rrethanave të ngjarjes do të japim përsëri njoftim më të detajuar.”, njofton policia.