Emri/ U hodh nga kati i tretë i Spitalit të Traumës, kush është pacienti që gjeti vdekjen

Marsel Hysa është 47-vjeçari i cili u vetëhodh nga kati i tretë i Spitalit të Traumës në kryeqytet në orët e para të mëgjesit të së dielës, duke gjetur vdekjen.

47-vjeçari nga Tepelena vuante nga probleme të shëndetit mendor  dhe sipas deklarimeve të familjarëve ka tentuar edhe më parë vetëvrasjen.

Ai ishte paraqitur për ndihmë mjekësore në spital mesditën e së shtunës pasi ishte vetëplagosur me thikë.

Infermieret e spitalit kanë tentuar ta shpëtojnë, por 47-vjecari u ka ikur nga duart.

“Më datë 25.02.2024, rreth orës 05:30, dyshohet se është vetëhedhur nga kati i 3-të i Spitalit të Traumës, shtetasi M. H., 47 vjeç, i cili si pasojë e dëmtime të marra ka ndërruar jetë.

Ky shtetas është paraqitur për ndihmë mjekësore në spital, më datë 24.02.2024, rreth orës 12:00, pasi është vetëplagosur me mjet prerës thikë, në Tepelenë”, njofton policia.