Çdo gjë është gati! Stjuardesat me veshjet kuq e zi në pritje të udhëtarëve të parë në Kukës (Foto)

Çdo gjë është bërë gati në aeroportin e Kukësit, ku pritet ardhja e avionit nga Anglia, me çunat e Londrës. Bëhet me dije se stjuardezet në Aeroportin e Kukësit do të presin udhëtarët e parë të veshura me simbolet kombëtare. Vajzat janë veshur kuqezi dhe me qeleshe në kokë, dhe me to është edhe kryeministri i vendit Edi Rama.

Ndërkohë që në aeroport janë edhe shumë qytetarë nga Burreli, Kukësi, Peshkopia si dhe nga Kosova, që presin të afërmit e tyre.

“Jam nga Burreli! Presim nipin tonë që vjen nga Londra! Nuk e dimë se për kë do të votojë ai, por ne kemi 10 vite që nuk e shohim në sy. Do të ketë shumë zhvillim për zonat e veriut në Shqipëri”, tha një qytetar.

“Kam ardhur nga Prizreni, për të parë sesi është ndërtuar” tha një tjetër.

“Hallall ja boftë zoti Edi Ramës dhe qeverisë së tij do të ketë shumë zhvillim edhe për zonën e veriut edhe për Kosovën. Me këtë kryeministër zoti ja boftë jetën 1000”, tha një qytetarë tjetër.