33-vjeçari në “arrest shtëpie” bëhet objekt i një sulmi me eksploziv në Patos (Emri)

Një ngjarje e dyshuar me lëndë plasëse është regjistruar në orët e para të mëngjesit të kësaj të hëne në Patos.
Sipas njoftimit të policisë, rreth orës 05:05, 33-vjeçari Mateos Pashaj, i cili ndodhet me masë sigurie “Arrest në shtëpi”, ka njoftuar sallën operative se i është dëmtuar porta rrethuese e banesës, dyshohet si pasojë e përdorimit të lëndës plasëse.
Grupi hetimor, nën drejtimin e Prokurorisë, po vijon hetimet për të zbardhur rrethanat dhe dokumentuar ligjërisht ngjarjen.
Njoftimi i policisë:
Patos/Informacion paraprak
Më datë 16.11.2026, rreth orës 05:05, shtetasi M. P., 33 vjeç, banues në Patos (me masë sigurie “Arrest në shtëpi”), ka njoftuar sallën operative se i është dëmtuar porta e rrethimit të banesës, dyshohet me lëndë plasëse.
Grupi hetimor, nën drejtimin e Prokurorisë, vijon veprimet për sqarimin e rrethanave dhe dokumentimin ligjor të rastit.


