Dhunë fizike dhe psikologjike në familje, pranga 2 shtetasve

Policia e Poliçanit ka vënë në pranga një 43-vjeçar, pasi akuzohet se ka dhunuar bashkëshorten e tij. Sipas policisë, dhuna ka qenë në mënyrë të vazhdueshme. Nga ana tjetër, policia e Skraparit ka vënë në pranga një 28-vjeçar pasi akuzohet se ka ushtruar dhunë ndaj bashkëshortes së tij.

“Poliçan/Skrapar. Arrestohen në flagrancë 2 shtetas, për veprën penale "Dhuna në familje".

Nga specialistët e Seksionit për Krimet u bë arrestimi në flagrancë i shtetasve: L. H., 43 vjeç, banues në Poliçan, pasi në mënyrë të vazhdueshme ka dhunuar fizikisht dhe psikologjikisht bashkëshorten e tij;

S. A., 28 vjeç, banues në Skrapar, pasi në banesë ka ushtruar dhunë fizike ndaj bashkëshortes së tij. Materialet i kaluan Prokurorisë së Rrethit Gjyqësor Berat, për veprën penale "Dhuna në familje"”, njofton policia.