Iu gjetën 11 doza kanabis në çantë, “Shqiponjat” arrestojnë shpërndarësin e tyre në Fier

Policia e Fierit në bashkëpunim me “Shqiponjat” kanë vënë në pranga një 28-vjeçar, pasi iu gjetën 11 doza me kanabis në çantën që mbante.

“Fier/ Vijon puna për parandalimin, evidentimin dhe goditjen e veprimtarisë kriminale në fushën e narkotikëve. Goditet një tjetër rast i veprimtarisë kriminale në fushën e shpërndarjes së lëndëve narkotike në doza.

Sekuestrohen 11 doza me kanabis, vihet në pranga poseduesi dhe shpërndarësi i lëndës narkotike, i cili kundërshtoi punonjësit e Policisë gjatë ndalimit. Specialistët për Hetimin e Narkotikëve në DVP Fier, në bashkëpunim me forcën e posaçme "Shqiponjat", në vijim të goditjeve kundër aktivitetit kriminal në fushën e prodhimit dhe shpërndarjes së lëndëve narkotike, arrestuan në flagrancë shtetasin G. B. (T)., 28 vjeç, banues në Fier.

Në vendin e quajtur "Ish-globi", gjatë kontrollit të ushtruar në automjetin tip "Benz" me të cilin udhëtonte, ky shtetas nuk i është bindur urdhrit të Policisë për kontroll, duke i kundërshtuar ata. Gjatë kontrollit fizik, në çantën e tij të krahut u gjetën dhe u sekuestruan 11 doza me lëndë narkotike të dyshuar cannabis sativa.  

Materialet procedurale për veprime të mëtejshme i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve”, "Nxitja për përdorimin e drogës" dhe "Mosbindja ndaj urdhrit të punonjësit të policisë së rendit publik".”, njofton policia.