Detaje të reja mbi urdhër-arrestet për ish-zyrtarët në bashkinë e Durrësit, një prej tyre ish-drejtori i Urbanistikës (EMRI)

SPAK ka lëshuar sot urdhër-arreste sa për të paktën 5 ish-zyrtarë të bashkisë së Durrësit.

Gazetarja Klodiana Lala raporton se ish-zyrtarët kanë qenë pjesë e Zyrës së Urbanistikës, njëri prej të cilëve është identifikuar si Adhurim Qehajaj, ish-drejtori i urbanistikës

Personat e tjerë për të cilët është kërkuar urdhër-arresti janë ish- specialistë.

Kujtojmë se SPAK kërkoi edhe arrestimin e ish-kreut të kësaj bashkie Vangjush Dako, i cili vetëm pak më parë është vetëdorëzuar në Drejtorinë e Policisë së Tiranës.

Urdhër-arrestet e SPAK i referohen rasteve të korrupsionit, lidhur me një pallat të ndërtuar në qendër të qytetit, i cili u dëmtua gjatë tërmetit.