Babai i vrau nënën dhe u vetëvar, djali 20 vjeç që gjeti të pajetë dy prindërit në gjendje të rëndë

Djali 20-vjeçar i çiftit, ai i cili ka gjetur të pajetë dy prindërit e tij, është në gjendje të rëndë psikologjike. Çifti në Librazhd ishin prindër të 4 të fëmijëve, 3 prej të cilëve jetonin jashtë vendit, ndërsa njëri jetonte me ta.

56-vjeçari Qemal Bici, pasditen e së hënës i mori jetën bashkëshortes së tij dhe më pas u vetëvar në pemë.

Ngjarja e rëndë ndodhi në fshatin Dragostunjë të Librazhdit, për shkak të grindjeve të vazhdueshme.Bici dyshohet se vrau bashkëshorten Menturie, rreth 53 vjeçe, duke e qëlluar me një sopatë edhe më pas ka varur edhe veten.

Në momentin e ngjarjes, fëmijët nuk kanë qenë të pranishëm por kur kanë ardhur e kanë gjetur nënën të vrarë ndërsa babin të varur tek pema. Çifti la jetimë 4 fëmijë.