Aksion i shpejtë i policisë në Shkodër/ Arrestohet autori i pla'gosjes me ar'më të Vladimir Bruçit

Aktualitet

Aksion i shpejtë i policisë në Shkodër/ Arrestohet autori i

Një debat i çastit mes dy miqve ka përfunduar me përdorimin e armës së zjarrit ditën e sotme në Shkodër. 

I dyshuari për ngjarjen, shtetasi Pjerin Bitani, është vetëdorëzuar në ambientet e policisë vendore pas negociatave të zhvilluara me efektivët e Shkodrës.

Aksidenti ka ndodhur rreth orës 14:30, ku pas një konflikti mbeti i plagosur shtetasi Vladimir Bruçi. Nga hetimet paraprake mësohet se dy personat njiheshin prej vitesh dhe gëzonin marrëdhënie miqësore me njëri-tjetrin, por situata ka agravuar pas një debati banal.

Motivi i konfliktit
Burime pranë grupit hetimor bëjnë me dije se shkak për përplasjen dyshohet të jenë bërë kamerat e sigurisë. 

Bruçi i ka kërkuar Bitanit të hiqte kamerat e vendosura në lokalin e tij, me arsyetimin se banonte pranë dhe kalonte çdo ditë aty. Refuzimi i Bitanit për t'i hequr ato ka çuar në përshkallëzimin e debatit deri në përdorimin e armës së zjarrit.

I plagosuri Vladimir Bruçi është transportuar menjëherë në Spitalin Rajonal të Shkodrës, ku po merr ndihmën e nevojshme mjekësore dhe ndodhet jashtë rrezikut për jetën.

Ndërkohë, pas vetëdorëzimit të Bitanit, grupi hetimor po vijon veprimet procedurale për dokumentimin e plotë të rrethanave të ngjarjes dhe zbardhjen e të gjitha detajeve të konfliktit.

Njoftimi: 

Shkodër

Plagosi me armë zjarri fqinjin e tij, për motive të dobëta; pas kontrolleve të shumta, pamundësisë për t’u larguar dhe negociatave mes familjarëve dhe Policisë, vetëdorëzohet autori i dyshuar i plagosjes me armë zjarri të komshiut të tij.

70-vjeçari u arrestua për “Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”.

Si rezultat i kontrolleve të shumta të kryera nga shërbimet e Policisë, pamundësisë për t’u larguar dhe për të qëndruar i fshehur, si dhe negociatave të vazhdueshme mes familjarëve të autorit të dyshuar dhe Policisë, shtetasi P. B. u vetëdorëzua te strukturat e Policisë, në lagjen “Rus”, ku qëndronte i fshehur prej disa orësh.

Në përfundim të veprimeve procedurale, 70-vjeçari u arrestua për veprat penale “Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”, pasi:

Rreth orës 14:30 të ditës së sotme, në lagjen “Partizani”, dyshohet se shtetasi P. B., 70 vjeç, për motive të dobëta, ka plagosur me armë zjarri fqinjin e tij, shtetasin V. B., 64 vjeç, i cili ndodhet në Spitalin Rajonal Shkodër, jashtë rrezikut për jetën.

Materialet procedurale i kaluan Prokurorisë së Shkodrës, për veprime të mëtejshme.

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion