Aksidenti tragjik me pasojë vdekje në Vlorë, policia jep detaje

Një aksident i rëndë u regjistrua këtë të martë në Vlorë. Drejtuesi i motorit humbi jetën, ndërsa drejtuesi mjetit u shoqërua në Polici. Ngjarja e rëndë u regjistrua në vendin e quajtur “Kryqëzimi i Triportit”, Vlorë. Viktima ende nuk është identifikuar, teksa hetimet vijojnë.

Njoftimi i policisë:

Informacion paraprak- Në vendin e quajtur “Kryqëzimi i Triportit”, automjeti me drejtues shtetasin N. P. është përplasur me një motomjet me drejtues një shtetas ende të paidentifikuar, rreth 70 vjeç, i cili si pasojë e dëmtimeve të marra, ka humbur jetën në spital.

Drejtuesi i automjetit, shtetasi N. P., është shoqëruar në komisariat, për veprimet procedurale. Grupi hetimor po kryen veprimet për zbardhjen e plotë të rrethanave të aksidentit, si dhe për identifikimin e drejtuesit të motomjetit.