8 kg kanabis të fshehura në shtëpinë e braktisur, arrestohet në flagrance 30-vjeçari në Durrës

Një operacion i policisë në Durrës ka çuar në zbulimin e një rasti të prodhimit dhe shitjes së lëndëve narkotike.

Aksioni, i koduar “Banesa”, u zhvillua nga specialistët e Hetimit të Narkotikëve në bashkëpunim me Forcën e Posaçme Operacionale.

Në pranga ra një 30-vjeçar, i identifikuar me inicialet E. K., banues në Durrës.

Sipas të dhënave, i riu kishte fshehur një sasi droge në një banesë të pabanuar pranë shtëpisë së tij, në lagjen nr. 8. Ai u kap në momentin kur po tentonte të merrte lëndën narkotike.

Gjatë kontrollit, policia gjeti dhe sekuestroi rreth 8 kilogramë lëndë të dyshuar Cannabis Sativa, që u mor si provë materiale.

E huaja braktis fëmijën e mitur në një spital në Tiranë, policia vihet në kërkim të saj
Hetimet vijojnë për të zbuluar nëse persona të tjerë janë të përfshirë në këtë rast.

Dosja i është kaluar Prokurorisë së Durrësit për veprime të mëtejshme.