Aksident i fortë në Kakavijë, makina përplaset me motorin, lëndohet një person

Një aksident rrugor është regjistruar në orët e mëngjesit të sotëm në aksin nacional Gjirokastër–Kakavijë, në vendin e quajtur Askove.

Nga informacionet paraprake bëhet me dije se si pasojë e përplasjes, një person ka mbetur i lënduar. I plagosuri ka marrë ndihmën e parë në vendngjarje dhe më pas është transportuar drejt Spitalit Rajonal “Omer Nishani” në Gjirokastër, ku po merr kujdesin e nevojshëm mjekësor.

Menjëherë pas njoftimit për aksidentin, në vendngjarje kanë mbërritur shërbimet e Policisë, të cilat kanë nisur veprimet hetimore për të dokumentuar ngjarjen dhe për të përcaktuar shkaqet e saj.

Aktualisht nuk ka ende informacion të plotë mbi rrethanat në të cilat ka ndodhur aksidenti, ndërsa pritet që hetimet të hedhin dritë mbi dinamikën e përplasjes.

Policia po vijon punën për zbardhjen e plotë të ngjarjes.