United bëhet gati ta zëvendësojë Mourinho

Djajtë e Kuq janë të interesuar ta kenë në krye të pankinës teknikun francez që udhëhoqi Të Bardhët drejt tre triumfeve me radhë në Ligën e Kampionëve, nëse atij portugez i përgatitet historia.

Manchester United është duke u përgatitur për largimin e Jose Mourinho, pasi ka bërë listën e zëvendësuesve të mundshëm, të cilës i prin Zinedine Zidane.

Mourinho zakonisht ka pasur probleme në edicionin e tretë me skuadrat paraprake dhe Djajtë e Kuq duan të jenë të përgatitur nëse kjo gjë ndodh sërish.

Zidane është i lirë pas largimit nga Real Madrid në fund të edicionit të shkuar, si fitues i trefishtë i Ligës së Kampionëve në po aq edicione me skuadrën nga Santiago Bernabeu.