Tentonte të shiste dro'gë në shkolla, arrestohet 35-vjeçari në Kombinat, publikohet emri

Aktualitet

Tentonte të shiste dro'gë në shkolla, arrestohet
Një 35-vjeçar është arrestuar në Tiranë në kuadër të operacionit policor të koduar “Shkolla të pastra”, i cili synon parandalimin dhe goditjen e shitjes së lëndëve narkotike pranë shkollave.

Shërbimet e Komisariatit të Policisë Nr. 6, në bashkëpunim me specialistët e Seksionit për Hetimin e Narkotikëve, kapën në flagrancë në zonën e Kombinatit shtetasin Armen Kalavace 35 vjeç, në afërsi të perimetrit të sigurisë së një shkolle.

Gjatë kontrollit fizik dhe kontrollit në banesë, policia sekuestroi mbi 1 kilogram lëndë të dyshuar narkotike Cannabis Sativa, një sasi kokaine, 3 peshore elektronike, 2 telefona celularë dhe një shumë parash, e dyshuar se ishte përfituar nga shitja e lëndëve narkotike në doza.

Sipas policisë, nga informacionet e siguruara dhe veprimet hetimore dyshohet se 35-vjeçari tentonte të shiste lëndë narkotike në afërsi të shkollave, si dhe në ambiente të tjera në zonën e Kombinatit.

Hetimet për rastin vijojnë, ndërsa materialet procedurale i janë referuar Prokurorisë për veprime të mëtejshme.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion