Sulm i armatosur në një bar/ Hapet zjarr ndaj klientëve, raportohen të paktën 17 të vdekur dhe 15 të plagosur

Të paktën 17 persona u vranë në një të shtënë me armë në një bar në provincën Gauteng të Afrikës së Jugut të shtunën vonë në mbrëmje, tha policia.

Autoritetet kanë nisur një kërkim për tetë persona të armatosur që dyshohet se kanë sulmuar barin në lagjen Wendela, në jugperëndim të Johanesburgut dhe kanë hapur zjarr ndaj klientëve.

Sipas policisë, sulmuesit ishin të armatosur me pushkë AK-47 dhe pistoleta dhe filluan të qëllonin pa dallim brenda lokalit.

Të gjithë të vdekurit, përfshirë tre gra, u gjetën në bar. Shërbimet mjekësore të urgjencës i shpallën të vdekur. 15 persona të tjerë u plagosën nga të shtënat dhe u dërguan në spital.