Me një buzëqeshje në fytyrë, Eriksen publikon foto nga spitali

Cristian Eriksen ka qetësuar tifozët. Danezi ka publikuar në Instagramin e tij një foto nga spitali duke buzëqeshur, ndërsa ka shkruar një tekst të gjatë, ku bie në sy si fillim falenderimi për të gjithë ata që u lutën për të, në momentin kur ai po luftonte me vdekjen.

“Përshëndetje të gjithë. Një falenderim i madh për mesazhet e ëmbla nga e gjithë bota. Vlen shumë për mua dhe familjen time. Jam mirë! Kam akoma ekzaminime në spital por ndihem mirë. Tani do bëj tifo për djemtë e kombëtares për ndeshjen e radhës”, shkruan 29-vjeçari.

Kujtojmë se të dielën, në ndeshjen kundër Finlandës, ylli interist pësoi atak kardiak, duke luftuar me vdekjen.