Atletët u kapën duke pirë alkol brenda fshatit Olimpik, rrezikojnë pezullimin

Një skandal është raportuar në Tokio, brenda Fshatit Olimpik. Mësohet se disa atletë janë parë duke konsumuar alkol, ndërsa rrezikojnë pezullimin. Lajmin e dha drejtori i Përgjithshëm i këtij aktiviteti, Toshiro Muto. Për mediat ai tha se numri i atletëve që kanë shkelur këtë rregull është i madh.

“Natën e 31 korrikut, shumë atletë dhe anëtarë të delegacionit ishin në parkun brenda fshatit dhe po pinin alkool dhe ishin të vetëdijshëm për këtë fakt. Ne jemi duke e hetuar rastin dhe bazuar në rezultatet, do të ndërmarrim masa të duhura”, tha ai.

Ndërkohë që rregulli e ndalon këtë veprim brenda Fshatit Olimpik, por janë të lirë që të konsumojnë në dhomat e tyre private dhe jo në zona të përbashkëta ose publike.